Rhenz Abando, Anyang pakay ang 1-0 lead sa KBL Finals| Aasahang mahabang playing time sa Game 1

 

>

Sisiklab ang aksyon sa alas-6 ng gabi (Manila time) para sa pagsisimula ng best-of-seven cham­pionship series sa pagitan ng dalawang pinakamaga­ling na ball clubs sa South Korea.

Inaasahan ang mas mahabang playing time ni Abando gayundin ang mas malaking ambag nito matapos ang limitadong aksyon sa kanilang semifinal series kontra sa Go­yang Carrot Jumpers.

>Ang makauna sa sultada ang hangad ni Rhenz Abando at ng Anyang KGC kontra sa karibal na SK Seoul Knights sa Game One ng Korean Basketball League (KBL) finals ngayon sa Anyang Gymnasium.

Kinaldag ng Anyang ang Goyang, 3-1, tampok ang 89-61 panalo sa Game 4 noong nakaraang linggo upang maitakda ang finals rematch kontra sa Seoul, na winalis naman ang Changwon LG Sakers, 3-0.

Sa tulong ni Abando, nagrehistro ng mga ave­rages na 9.0 points, 2.3 rebounds at 1.0 assist sa kanyang unang taon bilang import sa KBL sa ilalim ng Asian Player Quota prog­ram, misyon ng Anyang ngayon na makaganti sa Seoul matapos ang 4-1 talo sa kanilang finals se­ries noong nakaraang season.

>

Pinalakas ng Anyang ang tangkang iyon nang hirangin na regular season champion matapos ang 37-17 kartada habang tumersera lang ang Seoul sa 36-18 kartada.

Dinaig din Anyang ang Seoul, 90-84, sa all-Korean finals ng East Asia Super League (EASL) noong nakaraang buwan sa Japan.